அரசு இலக்கிய முற்றம்

 

புலவன் தோன்றினான்

                                                        (மலர்ந்த நாள்: 11-12-1882)

தமிழரின் உயிநிகர் தமிழ் நிலை தாழ்ந்ததால்

இமை திறவாமல் இருந்த நிலையில்

தமிழகம், தமிழுக்குத் தகும் உயர்வளிக்கும்

தலைவனை எண்ணித் தவங்கிடக்கையில்

இலகு பாரதிப் புலவன் தோன்றினான்.

பைந்தமிழ்த் தேர்ப்பாகன் அவனொரு

செந்தமிழ்த் தேனீ, சிந்துக்குத் தந்தை!

குவிக்கும் கவிதைக் குயில்! இந்நாட்டினைக்

கவிழ்க்கும் பகையைக் கவிழ்க்கும் கவிமுரசு;

நீடு துயில் நீக்கப் பாடிவந்த நிலா:

காடு கமழும் கற்பூரச் சொற்கோ!

 

என்னென்று சொல்வேன் என்னென்று சொல்வேன்

தமிழால் பாரதி தகுதி பெற்றதும்

தமிழ், பாரதியால் தகுதி பெற்றதும்

(பாரதி மாணவர் பாரதிதாசன் தம் குருவுக்கு)